काठमाडौँ । युरोकप फुटबलअन्तर्गत सोमबार तीन खेलहरू हुने भएको छ । खेलहरू साँझ ६ः४५ बजे सुरु हुनेछ ।

युरोकपमा आज समूह ‘डी’को एक खेल र समूह ‘ई’को दुई खेलहरू हुनेछ । पहिलो खेलमा स्कटल्याण्ड र चेक रिपब्लिकबीच प्रतिस्पर्धा हुनेछ ।

घरेलु मैदानमा स्कटल्याण्ड जित निकाल्दै सुखद सुरुवात गर्न चाहन्छ । तर, बलियो टिम चेक रिपब्लिकविरुद्ध जित निकाल्न सहज हुने छैन । रिपब्लिक पनि जित निकाल्ने योजनामा हुनेछ ।

यस्तै, दोस्रो खेलमा पोल्याण्ड र स्लोभाकिया भिड्ने छन् । समूह ‘ई’मा रहेका पोल्याण्ड र स्लोभाकियाबीच खेल राति ९ः४५ बजे सुरु हुनेछ ।

तेस्रो खेलमा स्पेन र स्विडेनबीच प्रतिस्पर्धा हुनेछ । युरोपियन फुटबलमा दुई पावरहाउस टोलीबीचको खेल राति १२ः४५ बजे सुरु हुनेछ । समूह ‘ई’मा रहेका स्पेन र पोल्याण्डबीचको खेल स्पेनको घरेलु मैदानमा हुनेछ ।

स्पेन युरोकपकै सर्वाधिक सफल टिम हो । स्पेनले तीनपटक उपाधि जितिसकेको छ । एजेन्सी