काठमाडौँ । विभिन्न विशेषता भएको कारको मूल्य ३ अर्ब २७ करोड ६२ लाख २९ हजार ६ सय रुपैयाँ तोकिएको छ ।

संसारको सबैभन्दा महंगो गाडी कस्तो होला ? अनि त्यसको मूल्य कति पर्ला ? अटो पारखीहरूलाई मात्र होइन, यो साधारण व्यक्तिको पनि चासोको विषय भएको छ ।

बेलायती अटोमोबाइल निर्माता कम्पनी रोल्स–रोयस मोटर कार निर्माताले हालसालै संसारकै सबैभन्दा महंगो गाडी ‘रोल्स–रोयस बोट टेल’ गाडी सार्वजनिक गरेको छ । जसको मूल्य धनाढ्यलाई समेत ‘महंगो’ लाग्न सक्छ ।

‘द २०२१ रोल्स–रोयस बोट टेल’ चार–सिटर लक्जरी कार हो । जसको लम्बाई १९ फिटको छ । यसको बाहिरी आवरण ढुङ्गाको जस्तै देखिन्छ । यो डिजाइन रोल्स–रोयस स्वेप्टेल कारबाट प्रेरित डिजाइन हो । ‘रोल्स–रोयस बोट टेल’ सार्वजनिक हुनु अघिसम्म ‘रोल्स–रोयस स्वेप्टेल’ संसारको सबैभन्दा महंगो कार थियो ।

जुन सन् २०१७ मा २ अर्ब ११ करोड २८ लाख ८७ हजार ३ सय रुपैयाँको कार बजारमा आएको थियो ।