काठमाडौं । कांग्रेस सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल एमालेका विद्रोही नेता माधव नेपालको निवासमा पुगेका छन् । कांग्रेस, माओवादी केन्द्रलगायतका विपक्षी गठबन्धनमा सहभागी रहेका नेता नेपालको निवासमा देउवा-प्रचण्डसहितका नेताहरुको छलफल शुरु भएको छ ।

केही बेरअगाडिबाट मात्रै नेताहरुको छलफल शुरु भएको स्रोतले बताएको छ । अघिपछि कांग्रेस सभापति देउवाको निवासमा छलफल गर्ने विपक्षी गठबन्धनका नेताहरु आज भने नेपाल निवास कोटेश्वर पुगेका हुन् ।