काठमाडौं । चिकित्सा शिक्षा आयोगले स्नातक तहको एकीकृत प्रवेश परीक्षा असार २६ गतेदेखि गर्ने तयारी गरेको छ। आयोगका उपाध्यक्ष डा. श्रीकृष्ण गिरीले कोरोना संक्रमणका कारण रोकिएको स्नातक तहको एकीकृत परीक्षा असार २६ गते सञ्चालन गर्न आयोगले आन्तरिक रुपमा तयारी समेत गरिसकेको बताए।
आयोगले प्रवेश परीक्षा असार २६ गतेदेखि सञ्चालन गर्ने अनुमति स्वीकृतिको मागसहित सिसिएमसीलाई प्रस्ताव समेत पठाइसकिएको छ । उनले भने,“हामीले असार २६ गतेदेखि स्नातक तहको प्रवेश परीक्षा सुरु गर्ने भनेर तयारी गरेका छौंसिसिएमसीले अनुमति दिएमा परीक्षा हुन्छ।”