काठमाडौँ । साताको पहिलो दिन आइतबार सेयर बजार ठूलो अंकले गिरावट भएको छ । सेयर बजार नेप्से परिसूचक कारोबार सुरु भएको केहि मिनेटसम्म उकालो लागेको थियो । तर, बजार बन्दा हुँदा नेप्से परिसूचक उच्च अंकले गिरावट भएको हो ।

३ हजार माथि पुगेर रेकर्ड बनाएको नेप्से आज २ हजार ९ सय ५ मा झरेको छ । नेप्से परिसूचक ६३ दशमलव २८ अंकले घटेर २ हजार ९ सय ०५ दशमलव ३२ अंकमा झरेको छ । नेप्से परिसूचक ठूलो अंकले घट्दा कारोबार रकम भने थोरै सुधारिएको छ ।

बिहीबार ११ अर्ब भन्दाकमको कारोबार भएकोमा आज साढे ११ अर्ब हाराहारीमा कारोबार भएको छ । आज सेयर बढ्नेमा ऋणपत्रहरु देखिएका छन् भने धेरै सेयर गुमाउनेहरुमा फाइनान्स र विकास बैंक देखिएका छन् ।