काठमाडौँ । प्रतिनिधिसभा विघटन विरुद्धको रिटमाथि आजको सुनुवाई सकिएको छ । सर्वोच्च अदालतको संवैधानिक इजलासले रिट निवेदकलाई दिएको समय अब ४ घण्टा ४५ मिनेट बाँकी रहेको छ ।

संविधानको धारा ७६(५) अनुसार राष्ट्रपति विद्यादेवी भण्डारीले प्रधानमन्त्री बन्नका लागि आह्रवान गरेपनि त्यसपछि दावी पेश गरेका कांग्रेस सभापति शेरवहादुर देउवा र प्रधानमन्त्री केपी ओली दुवैको दावीमा प्रधानमन्त्री बनाउने आधार नदेखिएको राष्ट्रपतिले निक्यौल निकालेपछि ओलीले जेठ ८ गते सोही राती मन्त्रिपरिषद्को बैठक राखेर प्रतिनिधीसभा दोस्रो पटक भंगको निर्णय लिएका थिए ।

त्यसपछि यो मुद्दा सर्वाेच्च अदालतको संबैधानिक इजालसमा पुगेको हो । कांग्रेस सभापति देउवालाई प्रधानमन्त्री बनाउन माग गदै संसदका १४६ सांसदले अदालतमा समेत पुगेर देउवाकै निवेदनमा साझा निवेदन बनाउँदै सनाखत गराईदिएका थिए ।

त्यसपछि यो मुद्धा संवैधानिक इजालस गठन भई त्यहाँँ वुधबारदेखि निरन्तर सुनवाईको क्रममा छ ।

अदालतले पक्ष–विपक्ष दुवै तर्फलाई १५–१५ घण्टाका दरले वहसका लागि समय निर्धारण गरिदिएको थियो । वुधबार र विहिवार गरी निवेदनकका तर्फबाट दिनभर अभिवक्ताहरुले वहस गरेका थिए । अव निवेदकलाई जम्माजम्मी ४ घण्टा ४५ मिनेट बाँकी रहेको छ ।

संवैधानिक इजलासमा न्यायाधीश ईश्वरप्रसाद खतिवडाले निवेदकका लागी बहस गर्न अब ४ घण्टा ४५ मिनेट समय बाँकी रहेको जानकारी गराएका हुन् । आज वरिष्ठ अधिवक्ताहरु रमनकुमार श्रेष्ठ, हरिहर दाहाल, मिथिलेशकुमार सिंह, हरि उप्रेती, शेरबहादुर केसी, वोर्णबहादुर कार्की, गान्धी पण्डित र खगेन्द्र अधिकारीले बहस गरेका छन् ।

विपक्षी गठबन्धका तर्फबाट नेपाली कांग्रेसका सभापति शेरबहादुर देउवा सहित १४६ जनाले सर्वोच्च अदालतमा प्रतिनिधि सभाको पुन स्थापना र देउवालाई संविधानको धारा ७६ को ५ अनुसार प्रधानमन्त्री बनाउन माग गरेर सर्वोच्च अदालतमा रिट दर्ता गरेका थिए । यस्तै प्रतिनिधि सभाको विघटन सम्बन्धि अन्य ३० रिट पनि परेका छन् ।