काठमाडौँ । संसद विघटनविरुद्ध परेको मुद्दामा आज शुक्रबार रिट निवेदक पक्षबाट बहस सकिँदैछ । सर्वोच्च अदालतको संवैधानिक इजलासले पक्षका कानून व्यवसायीलाई बहस गर्न १२ घण्टाको समय दिएको हो । सो समया आज सकिँदैछ ।

यसअघि इजलासको पक्षबाट बुधबार र बिहीबार बहस भएको थियो । नेपाली कांग्रेसका सभापति शेरबहादुर देउवासहित १ सय ४६ जना पक्षका कानून व्यवसायीले बहस गरेका थिए ।

इजलासले निवेदक पक्षलाई बहस गर्न १२ घण्टाको समय उपलब्ध गराएको थियो । पक्षको बहस सकिएसँगै आगामी आइतबारदेखि विपक्षी अर्थात सरकारी पक्षका कानून व्यवसायीले बहस गर्ने छन् ।

विपक्षलाई बहस गर्न १५ घण्टा दिइएको छ । उनीहरूको बहस सकिएसँगै पुनः निवेदक पक्षले जवाफी बहस गर्नका लागि ३ घण्टा समय पाउनेछ ।

आज वरिष्ठ अधिवक्ताद्वय कृष्णप्रसाद भण्डारी र सतिकृष्ण खरेलसहित २९ जनाले बहस गर्ने भएका छन् ।