काठमाडौँ । प्रतिनिधिसभा विघटनविरुद्ध परेको मुद्दामा सोमबारको सुनुवाई सकिएको छ । आजको इजलासमा महान्यायाधिवक्ता रमेश बडालले ३ घण्टा २० मिनेट बहस गरेका थिए ।

बडाललाई बहस गर्न ३ घण्टा समय छुट्याइएको थियो । आजको बहसमा उनले धारा ७६ (५)मा दलीय निर्देशनको ह्वीप लागु हुने दाबी गरेका थिए ।

धारा ७६ (५)को निर्णय विशुद्ध राष्ट्रपतिको कदममा भएको जिकिर गर्दै बडालले भनेका थिए, ‘त्यसमा न्यायालयले हात हाल्न मिल्दैन ।’

भोलि मंगलबार नायव महान्यायाधीवक्ता पदम प्रसाद पाण्डेयले बहस गर्ने छन् । उनका लागि २ घण्टा समय छुट्याइएको छ ।