एजेन्सी । बलिउड नायिका कियरा आडवाणी र साउथका सुपरस्टार राम चरण एकै साथ देखिने भएको छ ।

कियारा अडवाणी साउथका रामचरणसँग चलचित्र ‘आरसी १५’मा अभिनय गर्ने तयारीमा छिन् । भारतका विभिन्न भाषामा बन्न लागेको यो चलचित्रको छायांकन सेप्टेम्बरबाट सुरु गर्ने तयारी निर्माताको छ ।

राम चरणको मुख्य भूमिका रहेको चलचित्र ‘आरआरआर’को छायांकन सेड्यूल कोभिडका कारण प्रभावित भएका कारणले यो चलचित्रको काम सुरु हुन समय लागेको हो ।

एस शंकरले निर्देशन गर्न लागेको यो चलचित्रलाई दिल राजुले निर्माण गर्नेछन् । एक्सन र ड्रामा भरपुर रुपमा प्रयोग गरिने यो चलचित्रमा राम चरण एक प्रहरी अफिसर्सको भूमिकामा देखिदैछन् । यो चलचित्रलाई ६ महिना लगाएर छायांकन गरिनेछ ।