काठमाडौं । वीर अस्पतालको नव निर्मित सर्जिकल ब्लकको प्रधानमन्त्री केपी शर्मा ओलीले औपचारिक उदघाटन गरेका छन् । ५ सय शैय्या क्षमताको उक्त ब्लकको आइतबार (आज) प्रधानमन्त्री ओली उद्घाटन गरेका हुन । उक्त भवनबाट कोरोनाका बिरामीका उपचार हुदै आएको छ ।

“हाम्रा पुर्वजले नचाखेको कुनै हाँगा छैन होला,” उनले भने, “त्यसको आधारमा औषधिविज्ञानमा काम भएको पाइन्छ । साढे दुईहजार वर्षअघि शल्यक्रिया नेपालमै विकास भएको थियो । तर बीचमा गलत मनसाय बढ्यो । औषधि विज्ञान पछि कुखुराको भाले मन्साउने अवस्थामा पुग्यो । गलत मनोविज्ञान देखियो ।मन्साएर भुत भाग्छ, मसान भाग्छ ।”

उनका अनुसार २०६४ सालमा मृगौला प्रत्यारोपण नेपालमा नहुदाँ म पहिलो मृगौला प्रत्यारोपण गर्न भारत गएको थिए । तर अहिले नेपालमै राम्रो विशेषज्ञ र उपकरण छन् । मैले दोस्रो मृगौला प्रत्यारोपण २०७६ फागुनमा नेपालमै गरे । बाहिरभन्दा नेपालमै मृगौलाको राम्रो उपचार हुने उनले बताए ।

उक्त भवनमा उपचारर १ हजार ७ सय जना कोरोना संक्रमण जिते घर फर्किएका अस्पतालका कोभिड युनिफाईडका प्रमुख डा. जागेश्वर गौतमले बताए । उनका अनुसार २ सय जनाले कोरोना संक्रमितले ज्यान गुमाए थिए ।