काठमाडौँ । कतार सरकारले कतार प्रवेश गर्ने यात्रुहरुका लागि प्रचलित मापदण्डमा संसोधन गरेको छ । नेपाली राजदूतावास कतारका अनुसार नेपालबाट कतार प्रवेश गर्नेका लागि कतारले मापदण्ड संसोधित गरेको हो ।

दूतावासका अनुसार यात्रुले ७२ घण्टाभित्रको कोभिड-१९ नेगेटिभ भएको पिसीआर रिपोर्ट लिएर जानु पर्ने छ । यस्तै, यात्रा गर्नुभन्दा १२ घण्टा अगाडि आवश्यक कागजात पेश गर्नुपर्ने, दुवै मात्र खोप लगाएकाले क्वारेन्टिनमा बस्नु नपर्ने, कोभिड-१९ संक्रमण भई निको भएको १२ महिनाभित्र यात्रा गर्ने यात्रुले क्वारेन्टिनमा बस्नु पर्ने छ ।

दुतावासका अनुसार पूरा मात्रा खोप नलगाएका वा खोप नलगाएका यात्रुले होटल बुकिङ् गरी होटलमा क्वारेन्टिन बस्नु पर्ने र खोपको मात्रा पूरा लगाएकालाई परिवारिक भ्रमण, व्यवसाय तथा पर्यटन भिसा दिने भएको छ ।

दुतावासले थप जानकारीका लागि सम्बन्धित एयरलाइन्ससँग सम्पर्क गर्न आग्रह गरेको छ ।