काठमाडौँ । भारतीय नागरिकलाई नक्कली नागरिकता बनाइदिएको आरोपमा वडाध्यक्षसहित ८ पक्राउ परेका छन् । भारतीय नागरिक जमिर देवनलाई गैँडाकोट नगरपालिका ६ बस्ने स्थानीय जमिर मियाँ भन्दै नक्कली सिफारिसका आधारमा नागरिकता बनाइदिएको आरोपमा वडाध्यक्ष लक्ष्मीप्रसाद सापकोटासहित ८ जनालाई प्रहरीलाई परेका हुन् ।

उनीहरूलाई नक्कली नागरिकता बनाएको आरोपमा पक्राउ गरिएको इलाका प्रहरी कार्यालय गैँडाकोटले जनाएको हो । पक्राउ पर्नेमा अध्यक्ष सापकोटासहित ३३ वर्षीय भारतीय नागरिक जमिर देवन, नक्कली बाबु बनेका ५२ वर्षीय सफी अल्ला मियाँ, वडा सदस्य पवित्रा सापकोटा र चारजना साक्षीहरू रहेका छन् ।

गैँडाकोट नगरपालिका ६ का वडाध्यक्ष लक्ष्मीप्रसाद सापकोटाले २०७७ चैत १ गते पहिचानबिना नै नागरिकता बनाउन झुठो विवरण पेश गरी सिफारिस बनाइदिएका थिए ।