काठमाडौं । साताको पहिलो दिन आइतबार शेयर कारोबार मापक नेप्से परिसुचकमा उल्लेख्य सुधार आएको छ । शेयर कारोबार मापक नेप्से परिसूचक ७३ दशमलव ३३ अंकले बढेर २ हजार ८ सय ९८ दशमलव ४३ अंकमा पुगेको छ ।

नेप्से परिसूचक २ दशमलव ६४ प्रतिशतले बढेर २ हजार ८ सय ९९ दशमलब ८२ बिन्दुमा पुगको स्टक एक्सचेञ्जले जनाएको छ ।

नेप्सेसँगै कारोबार रकममा पनि सुधार देखिएर शेयर बजारमा आइतबार हरियाली देखिएको हो । यो महिनाको शुरुवादेखि धेरैपटक ओरालो लागेको बजारमा आइतबार निकै राम्रो देखिएको छ ।

‘क’ वर्गको कारोबार मापक सेन्सेटिभ इन्डेक्स १३ दशमलब ७७ अंकले बढेको छ । आइतबार कारोबार भएका सबै १३ कम्पनी समुहले सुधार ल्याएका छन् ।

कूल २ सय २५ कम्पनीको ४२ हजार ४९ कारोबारबाट ८ अर्ब ६ करोड १३ लाख ८२ हजार ४ सय ९६ रुपैयाँ बराबरका ३ करोड १५ लाख ८८ हजार ८ सय ५० कित्ता शेयर किनबेच भएको स्टक एक्सचेञ्जले जनाएको छ ।