काठमाडौं । नेकपा एमालेका वरिष्ठ नेता माधवकुमार नेपाल र चिनियाँ राजदूत होउ यान्छीबीच भेटवार्ता भएको छ । शुक्रबार दिउँसो कोटेश्वर स्थित नेपाल निवासमा चिनियाँ राजदुत होउ यान्छी गएर भेटेकी हुन् ।

उनीहरुबीच समसामयिक विषयमा छलफल भएको बताइएको छ ।

आजै बिहान नेकपा माओवादी केन्द्रका अध्यक्ष पुष्पकमल दाहाल (प्रचण्ड ) निवास खुमलटारमा होउ यान्छी पुगेर भेटवार्ता गरेकी हुन ।

आजै यान्छीले प्रधानमन्त्री शेरबहादुर देउवासँग पनि भेट गरेकी थिइन् । भेटका क्रममा उनले नेपाललाई थप १६ लाख कोभिड खोप उपलव्ध गराउने प्रतिबद्धता जनाएकी छन् ।