काठमाडौं । सरकारले १८ वर्ष माथीका सवै नागरिकलाई कोरोना भाइरस ९कोभिड(१९० विरुद्धको खोप निशुल्क लगाउने गरी योजना तयार भईसकेको बताएको छ । स्वास्थ्य मन्त्रालयले खोप अभियानलाई तीव्रता दिँदै त्यस्तो योजनाको आधार तयार पारिसकेको जनाएको हो ।

त्यसका लागि आवश्यक खोपकोसमेत व्यवस्थापन भैसकेको र केही जिल्लामा खोप पठाइसकिएको मन्त्रालयका सह(प्रवक्ता डाक्टर समिरकुमार अधिकारीले बताएका छन् ।

अहिले ५५ वर्षमाथिका नागरिकहरुलाई खोप लगाउने कार्य जारी छ । सहप्रवक्ता अधिकारीका अनुसार यही साउन ६ गतेसम्म चीनबाट खरिद गरिएको थप खोप आइपुग्ने छ भने १६ गतेसम्म ३२ लाख खोप भित्रिसक्ने छ । त्यसपछि निरन्तर आवश्यक खोप आउनेछ । यसै आधारमा १८ वर्ष माथीका लाई खोप लगाउने गरी आधार तयार पारिएको मन्त्रालयले जनाएको हो ।

प्रधानमन्त्री शेरवहादुर देउवालाई भेट गरी चिनियाँ राजदुतले थप १६ लाख खोप अनुदानमा दिने वताएकी थिइन् । यो सँगै नेपाललाई सर्बाधिक बढी खोप अनुदान दिने मुलुक चिन बनेको छ । अतिरिक्त १६ लाख दिने चिनियाँ राजदुतको घोषणा पछी नेपालले ३४ लाख डोज खोप अनुदानमा पाएको छ ।