काठमाडौँ । प्रधानमन्त्री शेरबहादुर देउवालाई नेकपा एमालेका नेता माधव कुमार नेपाल पक्षका केही सांसदले विश्वासको मत नदिने भएका छन् । उनीहरूले विश्वासको मत नदिई तटस्थ बस्ने निर्णय गरेका हुन् ।

एमाले माधव पक्षका सांसदहरू घनश्याम भुसाल, सुरेन्द्र पाण्डे, गोकर्ण विष्ट र योगेश भट्टराईलगायत केही नेताहरू तटस्थ बस्ने भएका हुन् ।

उनीहरू पार्टी एकता जोगाउन भन्दै तटस्थ बस्ने भएका हुन् । यसअघि नेता नेपाल पक्षकै सांसद भीम रावलले पदबाट राजीनामा दिएका थिए । देउवाको विपक्षमा मतदान गर्न प्रस्ताव राखेसँगै नेता भुसालले त्यसो नगर्ने बताएपछि रावलले पदबाट राजीनामा दिएका हुन् ।

रावलको राजीनामासँगै नेपाल पक्षका नेताहरूले मतदान गर्ने वा तटस्थ बस्ने भन्नेबारे छलफल गरेका थिए । यस क्रममा केही सांसदहरू तटस्थ बन्ने निर्णय गरेको हो ।