काठमाडौँ । नेपाली कांग्रेसका सभापति शेरबहादुर देउवाले सरकार सम्हालेसँगै उपेन्द्र यादव पक्ष जनता समाजवादी पार्टी (जसपा)ले बैठकलाई तीव्र बनाएको छ । आगामी साउन १० गतेपछि सरकारमा जाने तयारी गरेसँगै जसपाले बैठकलाई तीव्रता दिएको हो ।

गठबन्धन सरकार बनाउन महत्त्वपूर्ण भूमिका खेल्दै आएको जसपा यादव समूहले कसलाई मन्त्री बनाउने भन्ने विषयमा छलफल भइरहेको हो ।

सरकार गठनबारे छलफल गर्न आज बिहानै जसपासहित माओवादी केन्द्रका अध्यक्ष पुष्पकमल दाहाल ‘प्रचण्ड’, एमालेका नेता माधव नेपाललाई भेट्न पुगेका थिए ।

उता जसपाको ठाकुर समूह भने सरकार जाने वा नजाने भन्ने विषयमा बोलेका छैनन् ।