काठमाडौँ । नेकपा एमाले नेता माधव नेपाल पक्षको स्थायी कमिटी बैठकले पार्टी एकतामा जोड दिने भएको छ । काठमाडौंको बुद्धनगरमा बसेको बैठकबाट निस्किँदै स्थायी समिति सदस्य रघुजी पन्तले पार्टी एकतामा जोड दिएको जानकारी दिएका हुन् ।

‘एकता प्रक्रियाअगाडि बढाउनु पर्छ, एकतामा सबैले जोड दिनुपर्छ भन्ने भनाई रह्यो,’ बैठकपछि निस्किँदै पन्तले भने । उनले १० बुँदे प्रस्ताव तयार पारेको अवस्थामा स्पष्टीकरण सोध्ने र नेता नेपालको पुत्ला जलाउने विषय तत्काल रोक्ने छलफल भएको जानकारी दिए ।

बैठकले स्पष्टीकरण सोध्ने कामले एकतामा भाँजो हालेको निष्कर्ष निकालेको छ । अदालतको फैसलासँगै सांसदको विवेक प्रयोग गर्न पाउने भएपछि स्पष्टीकरणको कुनै अर्थ नभएको नेता पन्तले बताए ।

पार्टी अध्यक्ष केपी शर्मा ओलीले प्रधानमन्त्री शेरबहादुर देउवाको पक्षमा मत दिएका थिए । सोही कारणले नेता नेपालसहित २२ जनालाई स्पष्टीकरण सोधेको थियो ।