काठमाडौं । जनता समाजवादी पार्टीका लुम्बिनी प्रदेशका तीन जना सांसद पदमुक्त भएका छन् ।

जसपाले पार्टी निर्णय नमानेको कारण देखाउँदै दोहोराएर कारवाहीको पत्र प्रदेश सभा सचिवालयमा पठाँउदै पदमुक्त गर्न गरेको पत्राचारका आधारमा प्रदेशसभा सचिवालयका सचिव दुर्लभकुमार पुनले शुक्रवार सूचना जारी गर्दै पदुमक्त भएको जनाएका हुन् ।

यसरी पदमुक्त हुनेमा सन्तोषकुमार पाण्डेय, विजयबहादुर यादव र कल्पना पाण्डेय छन् ।

पदमुक्त तिनै जना शंकर पोखरेल नेतृत्वको सरकारमा अहिले पनि मन्त्री छन् । जसपाभित्र यी तिनै जना महन्थ ठाकुर पक्षमा थिए । महन्थ ले पार्टीको आधिकारिता नपाएपछि उनीहरुलाई पार्टीले दोहोराएर कारवाही गरेको थियो ।