काठमाडौं । स्वास्थ्य तथा जनसंख्या राज्यमन्त्री उमेश श्रेष्ठले एक साताभित्र ३२ लाख डोज कोरो भाइरस कोभिड- १९ विरुद्धको खोप आउने बताएका छन् । आइतबार गृह मन्त्रालयमा भएको बैठकमा उनले १६ लाख चिनियाँ र १६ लाख जापानबाट गरी ३२ लाख डोज खोप आउने बताए ।

राज्यमन्त्री श्रेष्ठले सरकारी अस्पतालमा अक्सिजन प्लान्ट जडान गर्ने, बोर्डरमा भ्याक्सिन लगाउने व्यवस्था गरिने बताए । यस्तै कोरोनाखोप लगाउने कार्यलाई व्यवस्थित गर्न टोकन व्यवस्थापन गर्ने, खोप केन्द्र बढाउने, ४० लाख फाइजर खोप किन्नलाई आवश्यक प्रवन्ध मिलाउने, कोरोना नियन्त्रणका लागि सय दिने योजना बनाउने र नीजि मेडिकल कलेज र अस्पतालहरुसँग समन्वय गरिने उनले बताए ।