काठमाडौं । स्टक एक्सचेञ्जमा आबद्ध कम्पनीको शेयर कारोबार साताको पहिलो दिन आइतबार नेप्से १ दशमलब २५ अंकले उकालो लागेको छ ।

यो अघिल्लो दिन अर्थात् गत हप्ताको अन्तिम कारोबार गत बिहिबारभन्दा शुन्य दशमलब ४ प्रतिशतले वृद्धि भई ३ हजार ८१ दशमलब ५ बिन्दुमा पुगेको स्टक एक्सचेञ्जले जनाएको छ ।

एक्सचेञ्जका अनुसार आइतबार जलविद्युत उपसूचक सबैभन्दा बढी ७९ दशमलब ९१ अंकले बढेको छ । जलविद्युतसँगै व्यापार, विकास बैंक, उत्पादनमूलक, लघुवित्त र लगानी उपसुचकमा सुधार आएको छ ।

यद्यपी बैंक, वित्त, होटल एन्ड टुरिजम, जीवन तथा निर्जीवन बिमा, म्युचअल फण्ड उपसुचकमा रातो चिन्ह् लागेको स्टक एक्सचेञ्जको सूचनामा उल्लेख छ ।

स्टक एक्सचेञ्जको तत्थ्यांक अनुसार कारोबार भएका २ सय २६ कम्पनीका १ लाख १७ हजार ४ सय ९० कारोबारबाट १२ अर्ब १० करोड ३८ लाख ७१ ह्जार ८ सय ६२ रुपैयाँ बराबरको ३ करोड ३ लाख ४२ हजार ३ सय ५२ कित्ता शेयर किनबेच भएका छन् ।