काठमाडौँ । घरबाट लागुऔषध बिक्री गर्ने सानु तामाङलाई प्रहरीले पक्राउ गरेको छ । भरतपुर ११ स्थित आफ्नै घरमा लागु औषध खरिद तथा बिक्री गरिरहेको विषेश सुचनाका आधारमा जिल्ला प्रहरी कार्यायल चितवनबाट खटिएको प्रहरी टोलीले ४५ वर्षीय तामाङलाई पक्राउ गरेको हो ।

पक्राउ परेकी तामाङलाई जाँच गर्दा सुरुवालको खल्तीबाट डाइजेपाम ९ एम्पुल, फेनरागन ब्युप्रिनोर्फिन ९ एम्पुल र कोठामा दराजभित्रको कालो रङको सेतो सोल भएको जुत्ताभित्र डाइजेपाम ९ एम्पुल ब्युप्रिनोर्फिन ९ एम्पुल, फेनरागन ९ एम्पुल गरी १८ एम्पुल डाइजेपाम, १८ एम्पुल ब्युप्रिनोर्फिन, १८ एम्पुल फेनरागन बरामद गरेको जिल्ला प्रहरी कार्यालय चितवनले जनाएको छ ।

प्रहरीका अनुसार तामाङलाई पक्राउ गरी जिल्ला प्रहरी कार्यालयको हिरासतमा राखिएको छ । उनलाई अदालतको आदेशले पक्राउ मितिदेखि लागु हुने गरी आगुऔषध मुद्दामा म्याद थप अनुमति प्राप्त भई अनुसन्धान सुरु गरिएको छ ।