काठमाडौँ । प्रधानमन्त्रीको सरकारी निवास बालुवाटारमा मंगलबार मन्त्रिपरिषद् बैठक बस्ने भएको छ । बैठक अपराह्न ४ बजे बस्ने भएको हो ।

बैठकमा प्रधानमन्त्री शेरबहादुर देउवासहित ४ जना मन्त्रीहरू उपस्थित हुने छन् । राज्यमन्त्री मन्त्रिपरिषद्को बैठकमा बस्ने प्रचलन नभएकाले स्वास्थ्य राज्यमन्त्री उमेश श्रेष्ठ बस्ने छैनन् ।

प्रधानमन्त्री बनेको २२ दिनसम्म प्रधानमन्त्री देउवाले मन्त्रिपरिषद विस्तार गर्न सकेका छैनन् । सत्ता साझेदारी दलहरूबीच मन्त्रिपरिषद विस्तारमा लामो कसरत गरे पनि पूर्णता पाउन सकेको छैन ।

सत्ता साझेदारी दलहरू नेपाली कांग्रेस, नेकपा माओवादी केन्द्र र जनता समाजवादी पार्टी (जसपा)बाट बाँकी मन्त्रीहरू चयन हुने छन् ।