काठमाडौँ । नेकपा एमालेका वरिष्ठ नेता माधव नेपाल पक्षको केन्द्रीय कमिटी बैठक स्थगित भएको छ । आज बिहान ११ बजे बस्ने भनिएको बैठक भोलिसम्मका लागि स्थगित भएको हो ।

केही सदस्यहरू उपत्यका बाहिर भएकाले बैठक स्थगित गरिएको हो । स्रोतका अनुसार पार्टीभित्र देखिएको विवाद समाधान गर्न नेता नेपालले सुझाव लिन केन्द्रीय कमिटीको बैठक बोलाएका थिए ।

आफू पक्षीय स्थायी कमिटीको छलफलबाट स्पष्ट सुझाव नपाएपछि नेता नेपालले केन्द्रीय कमिटी सदस्यको बैठक बोलाएका हुन् ।

नेता नेपाल पक्षमा देखिएको मत भिन्नताका कारण नेपालले स्पष्ट धारण बनाउन सकेका छैनन् ।