काठमाडौँ । नागरिकता नभएकाले अधिकारबाट बञ्चित भएको भन्दै काठमाडौँमा शान्तिपूर्ण आन्दोलन भएको छ । बुधबार नागरिकता पाउने व्यवस्था गर्न माग गर्दै उनीहरूले राजधानीमा प्रदर्शन गरेका हुन् ।

‘नागरिकताविहीन नेपालीहरू’को संयोजनमा राजधानीको माइतीघरमा भेला भएकाहरूले नेपालको संविधानको धारा ११ को उपधारा ३ र ५ छिटोभन्दा छिटो कार्यान्वयन गर्न माग गरी प्रदर्शन गरेका हुन् । उनीहरूले नागरिकता नपाएर गुमाएको सेवा सुविधाको क्षतिपूर्तिसमेत पाउनु पर्ने दाबी गरेका छन् ।