काठमाडौँ । प्रधानमन्त्र शेर बहादुर देउवाले नेपालमा कोरोना भाइरस (कोभिड–१९)को तेस्रो चरणका लक्षण देखिएको भन्दै सबैलाई सजग हुन आग्रह गरेका छन् । एक भिडिओ सन्देशमार्फत उनले कोरोना महामारी रोकथाम गर्न सरकारले मात्रै नसक्ने भन्दै सजग हुन आग्रह गरेका हुन् ।

‘अत्यन्तै आवश्यक परेको अवस्थामा मात्रै बाहिर निस्कनु होला, बाहिर निस्कनुअघि नाक र मुख राम्रोसँग छोपिने गरी मास्क लगाऔँ,’ उनले भने, ‘स्वास्थ्य सचेतना सम्बन्धी मापदण्ड राम्रो पालना गरौँ ।’

प्रधानमन्त्री देउवाले महामारी रोक्ने सबैभन्दा प्रभावकारी उपाय खोप भएको बताउँदै सबैलाई खोप लगाउन आग्रह गरे । उनले खोप लगाउन जाँदा सामाजिक दुरी कायम गर्नु पर्ने बताए ।