दमौली । जिल्ला अदालत तनहुँबाट कैद फैसला भएर फरार रहेका एक अभियुक्त पक्राउ परेका छन् ।

लागुऔषध मुद्दामा फरार आँबुखैरेनी गाउँपालिका–२ एक्लेफाँट बस्ने २६ वर्षीय आशिष रामदामलाई प्रहरीले पक्राउ गरेको हो ।

तनहुँ जिल्ला अदालतले उनलाई विसं २०७६ साउन १ गते २६ दिन कैद र दुई हजार २०० रुपैयाँ जरिवानाको फैसला सुनाएको थियो ।

उनलाई आवश्यक कारवाहीका लागि अदालत दाखिला गरिएको प्रहरी नायब उपरीक्षक युवराज तिमिल्सिनाले बताए ।