काठमाडौँ । पाल्पामा १३ वर्षीया किशोरी बालिकालाई बलात्कार गर्ने युवा पक्राउ परेका छन् । जिल्लाको रैनादेवी छहरा गाउँपालिका ३ घर भई तानसेन नगरपालिका ४ मा बस्ने २३ वर्षीय मीनबहादुर सारुले सोही नगरपालिकाकी बालिकालाई बलात्कार गरेको प्रहरीले जनाएको छ ।

सारुलाई बलात्कार गरेको आरोपमा प्रहरीले पक्राउ गरेको हो । उनलाई पक्राउ गरी जबरजस्ती करणीसम्बन्धी मुद्दा अदालतमा दर्ता गरिएको छ ।

घटनाबारे थप अनुसन्धान भइरहेको पाल्पाका प्रहरी प्रवक्ता डिएसपी रामेश्वर त्वातीले जानकारी दिए ।