धनकुटा । बिरामीलाई यौन हिंसा गरेको आरोपमा एक जना डाक्टर पक्राउ परेका छन् । धनकुटा ७ स्थित सुवास मेडिकलका डा. राज शर्मा पक्राउ परेका हुन् ।

पिसाबसम्बन्धी समस्या भई अस्पताल भर्ना भएका ५३ वर्षीय पुरुषलाई बलात्कार गरेको आरोपमा शर्मालाई पक्राउ परेका हुन् । जिल्ला प्रहरी कार्यालयले दिएको जानकारीअनुसार अनुसार पाख्रीबास नगरपालिकाका बिरामीले आफूलाई शर्माले यौन हिंसा गरेको उजुरी दिएका थिए ।

विराटनगर महानगरपालिका १२ का शर्मा धनकुटामा निजी स्रोतबाट सञ्चालित अस्पतालमा कार्यरत रहँदै आएका थिए । राति साढे १० बजे मादक पदार्थ सेवन गरी बिरामी कक्षमा पुगेका शर्माले यौन हिंसा गरेको प्रारम्भिक अनुसन्धानबाट खुल्न आएको छ ।

डा. शर्माले पनि आफूलाई अभद्र व्यवहार गरेको प्रहरीलाई बताएका छन् । उनलाई प्रहरीले सोमबार पक्राउ गरेको हो ।