काठमाडौं । नेकपा एमाले लुम्बिनी प्रदेश सभामा दर्ता भएको अविश्वासको प्रस्ताव फिर्ता गर्न माग गर्दै सर्वोच्च अदालत गएको छ । सोमबार एमाले लुम्बिनी प्रदेश सभाका सदस्य प्रदेश सभामा विपक्षी गठबन्धनले दर्ता गरेको अविश्वासको प्रस्ताव फिर्ता गर्न माग गर्दै रिट दायर गर्न सर्वोच्च अदालत गएका हुन् ।

उक्त रिटको सुनुवाइ गर्न सर्वोच्चले मंगलबारका लागि पेसी तोकेको छ । अविश्वासको प्रस्तावमाथि छलफल गर्न प्रदेश प्रमुखले साउन २७ गतेका लागि प्रदेश सभाको विशेष अधिवेशन आह्वान गरेका छन् ।

नेपाली कांग्रेस, नेकपा माओवादी केन्द्र, जनता समाजवादी पार्टी र राष्ट्रिय जनमोर्चाका ३४ जना सांसदको हस्ताक्षरसहित साउन १९ गते प्रदेश सभा सचिवालयमा अविश्वासको प्रस्ताव दर्ता भएको थियो।