काठमाडौँ । नेकपा एमालेका नेता माधव नेपालले कर्णाली प्रदेशमा पदमुक्त भएका चार प्रदेशसभा सदस्यहरूलाई जिताउने आश्वास दिएका छन् ।

नेकपा माओवादी केन्द्रका प्रदेश सांसद महेन्द्र बहादुर शाही नेतृत्वको सरकार जोगाउन फ्लोर क्रस गरेका उनीहरूलाई एमालेका कारबाही गरेसँगै पदमुक्त भएका थिए ।

प्रदेशसभा सदस्यको पद धरापमा परेको भन्दै नेता नेपालले भने, ‘मैले भनेको छु, यदि तपाईहरुको सदस्यता खारेज भएर उपनिर्वाचन भए तपाईंहरुलाई जिताउने जिम्मेवारी मेरो हुने छ ।’

पार्टी अध्यक्ष केपी शर्मा ओलीतर्फ इंगित गर्दै नेता नेपालले शिर ननिहुराउने र कसैको टाङमुनि नछिर्ने बताए । उनले भने, ‘अँध्यारो सुरुङमा जाने छैनौं, दम्भी, अहंकारी र गलत ढंगले चल्नेलाई माथ गरेर अगाडि बढ्ने छौँ ।