कोलकाता – न्युजिल्याण्ड टि २० विश्वकपको फाइनलमा प्रवेश गरेको छ । बुधबार राति भएको खेलमा दक्षिण अफ्रिकालाई ९ विकेटले हराउँदै न्युजिल्याण्ड फाइनलमा प्रवेश गरेको हो ।

कोलकातास्थित इडेन गार्डन्स स्टेडियममा जारी विश्वकपको पहिलो सेमिफाइनलमा न्यूजील्याण्डका कप्तान मिचेल सैंटनरले टस जितेर बलिङ रोजेका थिए । साउथ अफ्रिकाले निर्धारित २० ओभरमा ८ विकेट गुमाएर १६९ रन बनाएको थियो ।

जबाफमा कीवी टोलीले १२.५ ओभरमा मात्र १ विकेट गुमाएर १७० रनको लक्ष्य पूरा गर्यो । यस जितमा फिन एलेनको ३३ बलमै १० चौका र ८ छक्का प्रहार गर्दै १०० रन प्रहार गरे । उनले टी–२० वर्ल्ड कपमा सबैभन्दा छिटो शतक बनाउने कीर्तिमान समेत बनाएका छन् । यसअघि सन् २०१६ मा क्रिस गेलले ४७ बलमा शतक बनाएका थिए । एलेनले न्यूजील्याण्डका लागि सबैभन्दा छिटो अर्धशतक (१९ बलमा) बनाउने कीर्तिमान पनि कायम गरे । यस्तै टिम साइफर्टले ५८ रनको योगदान दिए ।

बलिङतर्फ साउथ अफ्रिकाका कागिसो रबाडाले एक विकेट लिएका थिए। न्यूजील्याण्डका रचिन रविन्द्र, म्याट हेनरी र कोल म्याककोन्की ले दुई–दुई विकेट लिए भने लोकी फर्ग्युसन र जिमी निशमले एक–एक विकेट लिए।

यसअघि साउथ अफ्रिकाले मार्को यानसेनको ५५ रनको अर्धशतकको बलमा १६९ रन बनाएको थियो । डेवाल्ड ब्रेभिसले ३४, ट्रिस्टन स्टब्सले २९ र एडेन मार्करमले १८ रन योगदान गरे ।

न्यूजील्याण्डले अब फाइनलमा भारत र इंग्ल्यान्डबीचको विजेतासँग उपाधिका लागि भिड्नेछ।