काठमाडौं । आफुलाई उपराष्ट्रपति कार्यालयको शाखा अधिकृतको परिचय दिदैँ ठगी गर्दै हिंडने एकजना पक्राउ परेका छन् । महानगरीय अपराध महाशाखाले आफूलाई उपराष्ट्रपति कार्यालयमा कार्यरत नेपाल सरकारको शाखा अधिकृत हुँ भनि निजामती कर्मचारीको पोशाक समेत लगाएर हिंडने डोटी किशोर, कुशल भनिने केशवराज भट्टलाई पक्राउ गरेको हो ।

उनलाई यस अघि पनि २६ चैत्र २०७५ मा प्रकृतिको साइबर क्राइम र ठगी मुद्दामा महाशाखाले नै कारबाही गरेको थियो । सो मुद्दामा उनी १ बर्ष कैद र ३० हजार जरिवानाको सजाय भुक्तान गरेर बाहिर निस्किएको खुलेको छ ।

महाशाखाको अनुसन्धानमा उनले कतिपय व्यक्तिहरुलाई सामाजिक सञ्जाल मार्फत् चिनजान गरि साथी बनि आफू परराष्ट्र मन्त्रालयको सह–सचिव समेत हुँ भनि विश्वासमा पारी ठगी गर्दै आएको खुलेको छ ।