काठमाडौं । त्रिवि परीक्षामा सहभागी काठमाडौंका परीक्षार्थीहरूलाई आजदेखि कोभिड–१९ विरुद्धको खोप दिइने भएको छ ।

जिल्ला स्वास्थ्य कार्यालय काठमाडौंका प्रमुख बद्रीबहादुर खड्काले पाँचवटा केन्द्र तोकेर अस्ट्राजेनिका खोप दिन लागिएको जानकारी दिए ।

उनका अनुसार बलम्बुस्थित सशस्त्र प्रहरी अस्पताल, छाउनीस्थित नेपाली सेनाको अस्पताल, महाराजगन्जस्थित नेपाल प्रहरीको अस्पताल, मीनभवनस्थित निजामती अस्पताल र सामाखुसीस्थित राधास्वामी आइसोलेसन सेन्टरलाई खोप केन्द्र तोकिएको छ ।

परीक्षार्थीहरूलाई प्रवेशपत्र हेरेर यही साउन ३० गतेसम्म खोप दिइने स्वास्थ्य कार्यालय काठमाडौंले जनाएको छ ।