काठमाडौं । अख्तियार दुरुपयोग अनुसन्धान आयोगले बीपी कोइराला स्वास्थ्य विज्ञान प्रतिष्ठानमा छापा मारेको छ । बिहीबार अख्तियारले प्रतिष्ठानको कार्यालयमा छापा मारेको हो ।

प्रतिष्ठानमा स्वास्थ्य सामग्री खरिद र निर्माण लगायतमा करोडौंको अनियमितता भएको सार्वजनिक भएपछि अख्तियारको टोलीले छानबिन गर्न थालेको हो ।

अख्तियारको केन्द्रबाटा गएको एसएसपी टेकबहादुर तामाङ नेतृत्वको टोलीले प्रतिष्ठानको कार्यालयबाट केही कागजात नियन्त्रणमा लिएको छ । प्रतिष्ठानमा अक्सिजन प्लान्ट, एमआरआई, सिटिस्क्यान, एमसीएच भवन, फार्मेसी भवन निर्माणमा करोडौंको चलखेल भएको बताइएको छ ।