हुम्ला । काठको साँघु तर्ने क्रममा चिप्लिएर नदीमा खस्दा दुई जना बेपत्ता भएका छन् । बेपत्ता हुनेमा ४२ वर्षीय जस्या रावल र १६ वर्षीया सुनिता रावल रहेका छन् ।

हुम्लाको खार्पुनाथ गाउँपालिका २ थाली र बाजुराको कवाडी सीमा क्षेत्रमा अवस्थित यार्बाबाट उनीहरु बेपत्ता भएका हुन् । उनीहरु बाजुराको वन क्षेत्रमा जडीबुटी संकलन गर्न जाने क्रममा बुधबार साँझदेखि बेपत्ता भएका स्थानीयवासी तारा रावलले जानकारी दिए ।

हराएका खोजी कार्य जारी रहेको उनले बताए । जडीबुटी संकलनका लागि थाली गाउँका करिब ३० जना गएका बताइएको छ । हुम्लासहित बाजुरा, मुगु, बझाङलगायत नागरिक यस याममा जडीबुटी संकलन गर्न पाटनतिर जाने गर्दछन्