काठमाडौँ । आतंकवादी समूहले भारतको कश्मिर राज्यका एक भारतीय जनता पार्टी (भाजपा) नेताको घरलाई निसाना बनाएर बम आक्रमण गरेको छ । स्थानीय भाजपाका अध्यक्ष जसवीर सिंहको घरलाई लक्षित गरी ३ वटा ग्रिनेड बम हमला गरेको हो । हमलामा उनका २ वर्षीय भतिज वीर सिंहको मृत्यु भएको छ ।

भाजपाले यस हमलालाई कडा शब्दमा निन्दा गरी शुक्रबार राजौरीमा विरोध प्रदर्शन गरेका थिए । भाजपाले आक्रमणकारीमाथि छिटोभन्दा छिटो कारबाही गर्न सुरक्षा बल तथा प्रहरी प्रशासनसँग माग राखेका छन् ।

नेता जसवीर आफ्नो परिवारसँग बस्दै गर्दा हमला भएको समाचारमा जनाइएको छ । हमलामा जसवीरसँगै अर्जुन सिंह, जसवीरकी माता सिया देवी, भाइ बलवीर र उनका छोरा कर्ण सिंह घाइते भएका छन् । एजेन्सी