काठमाडौं । नेपाल प्रहरीका प्रहरी निरिक्षक (इन्सपेक्टर) कपिल वाग्लेको दुर्घटनामा गृह मन्त्रालयले छानवबन समिति गठन गरेको छ । सोमबार (२५ साउन) साँझ ८ बजेतिर मोटरसाइकलको ठक्करपछि गम्भीर घाइते भएका प्रहरी निरिक्षक वाग्लेको उपचारका क्रममा राति ११ बजे भैरहवा मेडिकल कलेजमा मृत्यु भएको थियो ।

सोही घटनाको विषयमा छानवबन गर्न गृहमन्त्रालयले सहसचिव सुनील खनालको नेतृत्वमा छानवबन समिति गठन गरेको हो । छानवबन समितिमा राष्ट्रिय अनुसन्धान विभागका अनुसन्धान निर्देशक लक्ष्मण गुरुङ तथा नेपाल प्रहरीका एसएसपी सुदीप गिरी रहेको गृहमन्त्रालय स्रोतले जनाएको छ ।

पैदल हिंडिरहेको अवस्थामा उनलाई नवलपरासीको बर्दघाटमा लु १४ प ८७५८ नम्बरको मोटरसाइकलले ठक्कर दिएपछि गम्भीर घाइते भएका थिए।