काठमाडौँ । नेकपा माओवादी केन्द्रको विद्यार्थी संगठन अनेरास्ववियू (क्रान्तिकारी)को २२ औँ राष्ट्रिय सम्मेलन आगामी असोज ८, ९ र १० गते काठमाडौँमा बस्ने भएको छ । संगठनका अध्यक्ष रञ्जित तामाङले आज पत्रकार सम्मेलन गरी उक्त मितिमा राष्ट्रिय सम्मेलन हुने जानकारी दिएका हुन् ।

सम्मेलनका लागि भाद्र १५ गते देखि नै इकाई तथा क्याम्पस, पालिकामासम्मेलन गर्ने भएको छ । कोरोना भाइरस (कोभिड–१९) महाकारीलाई मध्यनजर राख्दै सम्मेलन गरिने जनाइएको छ । सम्मेलनमा आयोजकसहित ७९९ जना प्रतिनिधि समावेश गरिने अध्यक्ष तामाङले जानकारी दिए ।

सम्मेलका लागि ११ वटा समिति तथा उप समिति गठन गरिएको छ ।