काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको बन्दी प्रत्यक्षीकरण रिटमा आज सुनुवाइ हुँदैछ।

गैरकानुनी रूपमा थुनामा राखेको भन्दै दुवै पक्षले आइतबार सर्वोच्च अदालतमा रिट दायर गरेका थिए। उक्त रिटमा सुनुवाइका लागि ओलीको हकमा न्यायाधीश मेघराज पोखरेल र लेखकको हकमा न्यायाधीश कुमार रेग्मीको इजलासमा पेसी तोकिएको छ।

भदौ २३ र २४ गतेको जेनजी घटनामा जाँचबुझ आयोगको सिफारिसमा उनीहरूलाई शनिबार पक्राउ गरिएको थियो।