काठमाडौं । अफगानिस्तानमा रहेका नेपालीहरुलाई सुरक्षित स्वदेश फर्काउन राष्ट्रिय प्रजातान्त्रीक पार्टी (राप्रपा)ले सरकारसँग माग गरेको छ ।

राप्रपाका त्रय अध्यक्षहरुको संयुक्त वक्तव्य मार्फत अफगानिस्तानमा रहेका नेपालीहरुलाई सुरक्षित तवरले स्वदेश फर्काउन र उनीहरुको पूर्ण सुरक्षाको व्यवस्था गर्न राप्रपा नेपाल सरकारसँग माग गरेको हो ।

तालिवान विद्रोहको आक्रमण बढ्दै जाँदा अफगानिस्तान डरलाग्दो गृहयुद्धमा फस्ने खतरा बढदै गएको र यस अवस्थामा त्याहाँ भएका नेपालीहरुको सुरक्षाबारे आफ्नो पार्टि चिन्तित रहेको भन्दै राप्रपाले सरकार समक्ष छिटो भन्दा छिटो उद्धारको माग गरेको छ ।

अफगानिस्तानमा हाल तालिवानको दबदबाह बढ्दै गएको छ र तालिवानले देशका अधिकांस प्रान्तहरुमा कब्जा गर्दै गएको छ भने आज काबुलमा समेत कब्जा गर्ने तयारीमा रहेको बुझिएको छ ।

वक्तव्य मार्फत राप्रपाले ब्रिटिश गोर्खाका भूपुसैनिकहरुको जायज मागहरु पुरा गराउन सशक्त कुटनीतिक प्रयासको निम्ति नेपाल सरकारको ध्यान आकर्षिण समेत गराएको छ ।