काठमाडौं । अफगानिस्तानका राष्ट्रपति असरफ घानीले रक्तपात रोक्नका लागि आफूले देश छाडेको प्रतिक्रिया दिएका छन् । अफगानिस्तान छाडेपछि राष्ट्रपति घानीले सामाजिक सञ्जाल फेसबुकमार्फत प्रतिक्रिया दिँदै रगतको खोला बग्नबाट बचाउँन पनि मैले देश छाडेको प्रतिक्रिया दिएका हुन् ।
। आफू अफगानिस्तानमै रहेको भए तालिबान काबुल प्रवेश गरेपछि झडप हुन सक्ने र त्यसले लाखौँको ज्यान खतरामा पर्न सक्ने समेत उनले उल्लेख गरेका छन् । उनले काबुलमा झडप भएको भए करिब ६० लाख जनसङ्ख्या रहेको सहरमा आतंक सिर्जना हुन सक्ने पनि जनाएका छन् ।

“देश छाड्ने कार्यलाई उनले कठिन निर्णय भनेका छन्,” फेसबुकमा उनले लेखेका छन् “म राष्ट्रपति भवनमा जान चाहने तालिबानका अगाडि खडा हुनुपर्थ्यो या आफ्नो प्यारो मुलुक छाड्नु पर्थ्यो । ”

अब अफगानिस्तानमा जनधनको रक्षा तालिबानको जिम्मेबारी उनको भनाइ छ । “आफ्नो प्यारो देश, जसको सुरक्षाका लागि मैले २० वर्ष खर्चिएँ, त्यसलाई छोडुँ ” उनले फेसबुकमा लेखेका छन् ।

उनले तालिबानलाई अफगानिस्तानको भविष्यका बारेमा योजना बनाउन र उक्त योजना जनतालाई बुझाउन सुझाब दिएका छन् । आफू सधैँ अफगानिस्तानको हितमा काम गर्ने समेत घानीले सामाजिक सञ्जालमा मार्फत प्रतिक्रिया समेत दिएका छन् ।