काठमाडौं । अफगानिस्तानको राजधानी काबुलमा प्रवेश गरेर राष्ट्रपति भवन कब्जामा लिएसँगै तालिबानले विजय भएको दाबी गरेका छन्। तालिबानका प्रवक्ताले अब अफगानिस्तानमा युद्ध समाप्त भएको बताएका छन्।

तालिबानका एक प्रवक्ताले अल जजिरासँग बोल्दै भने “हामीले चाहेको कुरा प्राप्त गरेका छौँ, अब अफगानिस्तानमा युद्ध सकिएको छ।”

राष्ट्रपति कार्यालयमा तालिबान लडाकु पसेसँगै अफगानिस्तानमा अमेरिकासमर्थित सरकारको अन्त्य भएको बताउँदै आएको छ ।
उता देश छोडेका राष्ट्रपति घानीले रक्तपात रोक्न आफू बाहिरिएको बताएका छन्।

उनी अहिले कहाँ छन् भन्ने औपचारिक जानकारी दिइएको छैन।एजेन्सीको सहयोगमा

अफगानिस्तानका राष्ट्रपति घानीको प्रतिक्रिया : रक्तपात रोक्न देश छाडेको हुँ