काठमाडौँ । तालिवानले सत्ता कब्जा गरेसँगै अफगानिस्तानबाट ११८ जना नेपालीहरू स्वदेश आइपुगेका छन् । उनीहरु जजिरा एयरको विमानमार्फत् आज बिहान काठमाडौँ आइपुगेका हुन् ।

अफगानिस्तानको राजधानी काबुलबाट अमेरिकी एयरफोर्सले उनीहरूलाई उद्धार गरी कुबेत पुर्याइदिको थियो । नेपालीलाई ल्याउन नेपाली सेनाको टोली त्रिभुवन अन्तर्राष्ट्रिय विमानस्थलमा पुगेको छ ।

उनीहरूलाई सामाखुसीस्थित एक आइसोलेसन सेन्टरमा राखिने छ । त्यसपछि प्रक्रिया पुर्याएर घर पठाइने जनाइएको छ ।

(यसअघिको समाचारमा १२७ भएकाले सच्याइएको छ* – सम्पादक)