काठमाडौं । सरकारले अफगानिस्तानमा विकसित घटनाक्रमबारे आफ्नो धारणा सार्वजनिक गरेको छ । सरकारले मंगलबार आफ्नो धारणा सार्वजनिक गर्दै अफगानिस्तानमा शान्ति, सुरक्षा र अमनचयनको ग्यारेन्टी गर्न आग्रह गरेको छ ।

परराष्ट्र मन्त्रालयले विज्ञप्ति जारी गर्दै अफगानिस्तानमा विकसित घटनाक्रमलाई नजिकबाट नियालिरहेको बताएको छ ।

विज्ञप्तिमा भनिएको छ, ‘हामी सरोकारवाला सबैलाई सर्वसाधारणको शान्ति, सुरक्षा र अमनचयनको ग्यारेन्टी गर्न आग्रह गर्दछौं । अफगानिस्तानमा मानव जीवन, सम्पत्तिको रक्षा, शान्ति र स्थिरता कायम गर्न अपिल गर्दछौं । अफगानिस्तान छाड्न चाहनेहरुलाई सुरक्षित रुपमा सडकमार्ग, हवाईमार्ग र सीमापार गर्न दिन पनि आग्रह गर्दछौं ।’

सार्क सदस्य राष्ट्रको हैसियतमा नेपालले अफगानिस्तानमा शान्ति र स्थिरता कायम भएको देख्न चाहेको विज्ञप्तिमा भनिएको छ ।