काठमाडौं । जनता समाजवादी पार्टी जसपको केन्द्रीय समिति बैठक आज दोस्रो दिन पनि बस्दै छ ।

हिजो पहिलो दिनको बैठकमा नेता राजेन्द्र श्रेष्ठले पार्टीको आगामी कार्यदिशाबारे प्रतिवेदन पेश गरेका छन् । अर्का नेता मृग्रेन्द्रसिंह यादवले पार्टीको संगठन सुदृढीकरण सम्बन्धि प्रतिवेदन पेश गरेका छन् ।

दुवै नेताहरुको प्रतिवेदनमाथि केन्द्रित रहेर नेताहरुले आ–आफनो धारणा राखेका छन् । आज पनि सोही प्रतिवेदनमाथि केन्द्रीत भएर छलफल हुने नेता प्रदीप यादवले जानकारी दिए ।

यस्तै कांग्रेस सभापति शेरबहादुर देउवा नेतृत्वको सरकारमा सहभागिताको विषयमा पनि छलफल हुने नेता यादवले बताए ।

बैठक बिहान ११ बजे काठमाडौंको डिल्ली बजारस्थित अमृतभोग पार्टी प्यालेसमा बस्ने छ ।

निर्वाचन आयोगले उपेन्द्र यादव पक्षलाई पार्टीको आधिकारिकता दिएपछि बसेको जसपा केन्द्रीय समितिको यो पहिलो बैठक हो ।