काठमाडौँ । नेपाल विद्युत् प्राधिकरणका कार्यकारी निर्देशक कुलमान घिसिङको नियुक्तविरुद्ध परेको रिट उपर आज सुनुवाइँ हुने भएको छ । सर्वोच्च अदालतका न्यायाधीश कुमार रेग्मीको बेन्चमा सुनुवार्इ हुने गरी प्रधान न्यायाधीशले मुद्दाको पेशी तोकेका हुन् ।

कार्यकारी निर्देशक पदमा ‘थमौती गरि पाउँ’ भन्दै हितेन्द्रदेव शाक्यले साउन ३२ गते सर्वोच्च अदालतमा रिट दायर गरेका थिए । उनले प्राधिकरणमा कुलमान घिसिङको नियुक्ति ‘बदर गरि पाउँ’ भन्ने माग दाबी गरेका छन् ।

रिटमा शाक्यले पदाधिकारीबाट हटाइएको आधिकारिक पत्र नपाएको र सरकारले आफूलाई हटाएर कुलमानलाई ल्याएको बताएका छन् । यस्तै, कुलमानको नियुक्तिले ‘संविधान संवत् अधिकार हनन् भएको’ दावी गरेका छन् ।