काठमाडौँ । राष्ट्रपति विद्यादेवी भण्डारीले आज राजनीतिक दल विभाजनसम्बन्धी अध्यादेश जारी गर्ने भएकी छन् । मंगलबार बिहान बसेको मन्त्रिपरिषद्ले दल विभाजन गर्ने अध्यादेश जारी गरी शीतल निवास पठाएको थियो ।

राष्ट्रपति कार्यालयका अनुसार राष्ट्रपतिले अध्यादेश जारी गर्ने तयारी गरेकी हुन् । शीतल निवासले सरकारले सिफारिस गरेको प्रक्रियाअनुसार अघि बढ्नु पर्ने निष्कर्ष निकाल्दै अध्यादेश जारी गर्ने भएको हो । राष्ट्रपतिले अध्यादेश जारी गर्नुपहिले कानुनविद्सँग छलफल गर्ने भएकी छन् ।

अध्यादेशअनुसार केन्द्रीय समिति वा संसदीय दलमा २० प्रतिशत संख्या पुर्याए पनि दल विभाजन गर्न सकिने व्यवस्था गरिएको छ ।यसअघि राजनीतिक दलसम्बन्धी ऐनमा दल विभाजन गर्न केन्द्रीय समिति र संसदीय दलमा ४० प्रतिशत संख्या अनिवार्य हुनु पर्ने उल्लेख थियो ।