काठमाडौं । आज २०७८ साल भाद्र महिनाको ३ गते बिहीबार, श्रावण शुक्लपक्षको द्वादशी तिथि । अब लागौं आजको राशिफलतर्फ

मेष
पेशागत जीवन सामान्य र ठिक नै रहेता पनि अपेक्षाकृत प्रगति भने देखिने छैन् । बोलीमा कडापन आउने भएकाले परिवारमा कटुताको वातावरण बन्न जाने भएकाले सतर्क रहनु होला । एकपछि अर्काे गरि आउने विचारहरुले निर्णय क्षमतामा गिरावट ल्याउने छ ।

वृष
साहसिक ब्यक्तित्व बन्ने छ । दृढतामा बृद्धि हुने छ तर बोलीमा अत्याधिक रुखोपन हुने भएकाले यसबारेमा ध्यान दिनु होला । दाम्पत्य जीवनमा सतर्कताको आवश्यकता छ, खासगरी जीवनसाथिबाट बढि दबाब महशुस हुने छ । भाग्यको साथ रहेकाले पेशागत जीवन सहज बन्न जाने छ ।

मिथुन
मनमा दृढता आउने छ भने शान्ति पनि प्राप्त हुने छ । पैतृक सम्पत्ति आफू अनुकुल परिचालनको अवसर प्राप्त हुने छ । परिवारको पूर्ण साथका कारण सुख सुविधा प्राप्त हुने छ । पेशागत जीवनमा भने समस्या आउने छ । दृढ खाले ब्यक्तित्व भएता पनि रिस अति धेरै उठ्ने भएकाले घमण्डि जस्तो ब्यक्तित्व हुन जाने भएकाले विचार गर्नु होला । राजनीतिक जीवनमा रहेकाहरुलाई समय अशुभ छ ।

कर्कट
परिवारको साथ मिलेर काम गरेमा कमाई गर्न सकिने छ । सन्तान सुखमा कमि आउने छ । दाम्पत्य जीवनमा सुखद् अनुभुति हुने छ । साझेदारीमा गरिएका काममा पनि प्रगति हुने छ । पाचन प्रणालीसँग सम्बन्धी रोगले सताउने छ ।

सिंह
कमाई गर्नु पर्दछ र आफ्नो सपना पुरा गर्नका लागि जस्तो सुकै जोखिम मोल्न तयार हुने स्वाभाव देखा पर्दछ । बोली नरम हुने छ । यस्तो अवस्थामा ब्यक्तिलाई आफ्नो लक्ष्य प्राप्तिमा हिंसात्मक समेत बनाउने भएकाले यसबारेमा विचार भने अवश्य पुर्‍याउनु होला ।

कन्या
चलाख स्वाभावको व्यक्तित्व हुने छ । कमाइमा भएको बृद्धिले सन्तोष प्राप्त हुने छ । सितल स्वाभाव हुने भएकाले अरुको मन जित्न सकिने छ । पेशागत जीवनमा केही अस्वाभाविक समस्याहरु देखा पर्न जाने भएकाले सजग रहनु होला । ब्यवस्थापन, वाणिज्य, पत्रकारिता, ब्यापार क्षेत्रमा आवद्धहरुलाई फाइदा मिल्ने छ ।

तुला
पेशा तथा रोजगारी गुमाउनु पर्ने अवस्था निम्तिन सक्छ । रोजगारी तथा पेशामा बाधा अड्चन देखा पर्ने छ । मनमा उदासिनता देखा पर्ने छ । आत्मबलको कमी हुनाले प्रतिकुल समयसँग जुध्न सक्दिन जस्तो लागि रहने छ । नेतृत्व क्षमतामा कमि आउने भएकाले आवश्यक निर्णय लिन निकै बिलम्ब हुने छ ।

वृश्चिक
नकारात्मक सोचाई र विचारले घेर्ने भएकाले मनमा सकारात्मक विचारहरुबारे चिन्तन बढाउनु होला । मनोबलमा कमि हुन जाने छ । भाग्यको साथका कारण आम्दानीमा बृद्धि हुने वा आम्दानी हुने क्षेत्र सकारात्मक बन्न पुग्ने छ । शारीरिक रुपमा कमजोरी हुने छ भने आलस्य लाग्ने छ ।

धनु
भाग्यको साथ रहेकाले प्रतिकुल अवस्थामा पनि टिकिरहन ठुलो उर्जा प्राप्त हुने छ । कुरा काट्नेहरु धेरै हुने छन् भने पेशागत जीवनमा चुक्लि लगाउनेहरु धेरै हुने भएकाले सतर्क रहनु होला । पारीवारिक सदस्यहरुको सहयोगबाट केही राहत मिल्ने छ ।

मकर
प्रतिष्पर्धात्मक स्वाभाव हुने भएकाले शत्रु तथा प्रतिष्पर्धीहरुसँग जित हासिल हुने छ । दृढ स्वाभाव हुने भएकाले कसैले पनि हेप्न सक्ने छैन् । तर अलि क्रुरताको मात्रा बढ्न जाने भएकाले यसबारेमा विचार गर्नु होला ।

कुम्भ
आम्दानीमा हुने बृद्धिले मनमा केही सन्तोष दिने भएता पनि अधिकांश प्रतिशत मनमा उदासिनता आउने छ । ज्ञान, करुणा, वृहत्तर सोचाई तथा दार्शनिक सोचाई आउने छ ।साझेदारीमा गरिएका कामहरुमा गम्भीरखाले द्वन्द आउने र फुटसम्म लैजाने छ ।

मीन
मेहनत र पराक्रमी भावमा बढोत्तरी हुने छ । मनमा दृढताको कमि हुने हुँदा दुविधात्मक ब्यक्तित्व बन्न जाने छ । भाग्यको साथ कम रहेकाले मेहनत धेरै तर ढिला प्रतिफल प्राप्त हुने छ । आम्दानीमा हुने थोरै बृद्धिले राहत प्रदान गर्ने छ । शिक्षा क्षेत्र, अध्यापन, शिक्षण, लेखन, पत्रकारिता जस्ता पेशामा आवद्धहरुलाई समय अनुकुल रहने छ ।