काठमाडौँ । नेपाली कांग्रेसको १४ औँ महाधिवेशन नजिकिँदै गर्दा सभापतिको साझा उम्मेदवार चयनका विषयमा वार्ता गर्न पार्टीको रामचन्द्र पौडेल पक्षका नेताहरूबीच बैठक जारी रहेको छ ।

काठमाडौँको एक होटलमा जारी बैठकमा वरिष्ठ नेता रामचन्द्र पौडेल, महामन्त्री शशांक कोइराला, पूर्वमहामन्त्री प्रकाशमान सिंह, केन्द्रीय सदस्य शेखर कोइरालालगायतका नेता उपस्थित भएका छन् ।

पार्टीमा क्रियाशील सदस्यताको विवाद एकपछि अर्को हुँदै लम्बिएपछि महाधिवेशनको कार्य तालिका सर्दै आएको छ । पछिल्लोपटक कांग्रेसले मंसिर ९–१३ सम्म काठमाडौँमा महाधिवेशन गर्ने कार्य तालिका सार्वजनिक गरेको छ ।